Сәпиев пен орынбасары жұмыстан кетті
Серік Сәпиев Қарағанды облыстық дене шынықтыру және спорт басқармасы басшысы қызметінен босатылды, оның орынбасары Дәурен Есімханов та басқармадағы қызметінен кетті.
Астана, NEGE. Бұл жөнінде облыстық әкімдіктің баспасөз қызметі хабарлады.
«Қарағанды облысының дене шынықтыру және спорт басқармасында ведомство басшысы Серік Сәпиев пен оның орынбасары Дәурен Есімханов өз еркімен қызметінен босатылды», – делінген әкімдік хабарламасында.
Айта кетейік, 23 қаңтарда желіде Серік Сәпиев пен орынбасары Дәурен Есімханов төбелескені туралы ақпарат пен сол сәттің видеосы тарады. Полицейлер қылмыстық іс қозғалғанын хабарлады.
Көп ұзамай Сәпиев видеоүндеу жасап, орынбасары, самбодан әлем чемпионы Дәурен Есімхановпен арадағы жанжалдың себебін түсіндірді. Артынша Дәурен Есімханов та мәлімдеме жасады.
Сондай-ақ желіде Сәпиев пен орынбасары арасындағы жанжалға боксшы кінәлі деп танылғаны жөнінде ақпарат тарады.
Қазір оқып жатыр
«Ғалымдар жаппай қуылды» деген ақпарат шындыққа жанаса ма? Ясауи университеті жауап берді
2 млрд теңге табыс тапқан: Алматыда Kizdar.net сайтын құрушылар қамауға алынды
АҚШ-та жоғалып кеткен қазақстандық жігітке қатысты тың ақпарат айтылды
Samruk-Kazyna Construction еншілес компаниясын 228,8 млн теңгеге сатпақ
