«Самұрық-Қазына» қоры кәсіпкерлерге көмек бермек
Мемлекет басшысының экономиканы тұрақтандыру жөніндегі Жарлығын жүзеге асыру аясында «Самұрық-Қазына «ҰӘҚ» АҚ Басқармасының бүгінгі отырысында қазақстандық кәсіпкерлерді қолдауға бағытталған шешімдер қабылданды.
Алматы, NEGE. Атап айтқанда, Қор сертификаттардың (СТ-КЗ, индустриялық сертификаттар) болуымен шектелмей, отандық тауар өндірушілердің сатып алуға қатысу мүмкіндігін кеңейтеді. Енді «Самұрық-Қазына» үшін әкімдер бекіткен тауар өндіруші мәртебесін растайтын тізімдер жеткілікті. Сондай-ақ, Қор стандартында Тапсырыс берушіге, жобалаушыға және мердігерге қазақстандық тауар өндірушілердің өнімдерін қолдану бойынша талаптар белгіленді.
Олар сондай- ақ тендерлік өтінімді қамтамасыз етуді енгізуден және шарттардың орындалуын қамтамасыз етуден босатылады, бұл олардың айналым қаражатын алаңдатпауға мүмкіндік береді . Сонымен қатар, Қор қала құраушы кәсіпорындармен және шағын қалалармен тапсырыстарды мақсатты орналастыру, өндірістік қуаттарды жүктеу бағытында ынтымақтастық мүмкіндігін және тауарларды жеткізуге аванс беру мүмкіндігін қарастырады. Ағымдағы жылдың басынан бері 2360 отандық өнім беруші Қор тобының компанияларынан 216 млрд. теңгеге тапсырыс алды. Бұл жұмыс жалғасын табады.