Спорт
Самат Смақов Шерхан Қалмұрзаға қатысты пікір білдірді
«Жетісу» клубының бас бапкері Самат Смақов жас футболшыларға, соның ішінде Шерханға қатысты өз пікірін білдірді.
Алматы, NEGE. "Шерханмен аға ретінде сөйлесуге тырысамын. Шынымды айтсам, мен оған баспасөзге сұхбат бермеуді, түрлі бағдарламаларға бармауды ұсындым. Ол әлі жас", — деді Смақов.
Бапкер сондай-ақ Еркебұлан Сейдахметтің жағдайын мысалға келтіріп, қоғамның артық назарынан дарынды ойыншыларға зиян келуі мүмкін екенін ескертті:
"Еркебұлан «Уфаға» ауысқанда, бәрі оны талқылай бастады: «дәретханаға барды, кока-кола сатып алды» деп. Сөйтіп, талант жойылды. Сондықтан қазір ең бастысы — қысым емес, қолдау көрсету. Олар әлі ештеңе ұтқан жоқ, сондықтан асыра мақтаудың қажеті жоқ. Бір буынды жоғалту — бір сәттің ісі", — деді ол.