Салық дауларының басым бөлігі төлеушілердің пайдасына шешілді
Мәжілістің бүгінгі жалпы отырысында Жоғары аудиторлық палата төрағасы Әлихан Смайылов палатаның 2025 жылғы республикалық бюджеттің атқарылуы туралы есебін ұсынды. Баяндамасында ол еліміздегі салықтық әкімшілендіру сапасына назар аудару қажет екенін айтты.
Астана, NEGE. Смайыловтың сөзінше, соңғы уақытта салық органдарының шешімдеріне қатысты бизнес пен азаматтар тарапынан сотқа шағымдану жағдайлары жиілеген. Бұл фискалды органдардың жұмысында айтарлықтай олқылық бар екенін көрсетеді.
«Салықтық әкімшілендіру сапасына ерекше назар аудару керек. Салық органдарының шешімдеріне қатысты төлеушілердің сотқа шағымдану жағдайлары артқан», – деді Смайылов.
Сөзінше, соңғы төрт жылда шағымданған соманың жартысынан көбі салық төлеушілердің пайдасына шешілді.
