Спорт
Бесінші қола: Сәкен Бибосынов финалға шыға алмады
Токио Олимпиадасында бокстан 52 келі салмақ дәрежесінде сынға түскен Сәкен Бибосынов жартылай финалда қарсыластан басым түсе алмады.
Алматы, NEGE. Токиодағы шаршы алаңда алғашқы раунд өте тартысты өтті. Ұлыбританиялық боксшы нокдаун ашқаннан кейін төрешілер есепті сол боксшының есебіне жазды.
Екінші раундта отандасымыз бірінші нөмірде өнер көрсетіп жүріп, үш төрешінің ұпайын иеленді.
Шешуші раундта Сәкен Бибосынов барын салды. Бірақ, қорытынды есепте жеңіс Ұлыбританиялық боксшыға бұйырды. Сәкен осылайша Қазақстан қоржынына бесінші қоланы салды.
Сәкен Түркістан облысының тумасы, 1997 жылы туған. Мырзағали Айтжановтың төл шәкірті.
Ол 2019 жылғы әлем чемпионатында қола жүлдеге ие болған.