Ryanair әуе компаниясының ұшағы әуеде отқа оранды (видео)
Румынияда Ryanair компаниясының Boeing 737-800 жолаушы ұшағы борттағы қою түтінге байланысты шұғыл қонуға мәжбүр болды.
Алматы, NEGE. The Aviation Herald басылымының хабарлауынша, Лондонға бет алған ұшақтың іші түтіндеп кеткен. Ұшақ бортындағы 169 жолаушы дін аман. Ұшқыштың пікірінше, ұшақтағы өрт ұшқыны ұшу алдындағы тексерудің дұрыс болмағанынан орын алған. Әуедегі апатты жағдайдан соң бір сағат бойы ұшып бара жатқан ұшақ Бухарест әуежайына оралуға мәжбүр болған. Оқиға салдарынан Лондонға ұшу рейсі 8,5 сағатқа кешігіпті. Жолаушылардың бірі жариялаған бейнежазбада ұшақ ішін қою түтін басқаны көрінеді және адамдардың қатты қорыққаны байқалады.
