Рудныйдағы ERG зауытында жұмысшы қаза тапты
Жұмысшы 19 маусымда болат балқыту пешінде жұмыс жүргізу кезінде қаза тапқан.
Астана, NEGE. Tobolinfo мәліметінше, адам өліміне әкелген жазатайым оқиға «ERG Service» ЖШС-нің жөндеу-механикалық металл өңдеу зауытында болған.
Компания болған оқиға туралы мемлекеттік органдарға дереу хабарлағанын мәлімдеді. Қазіргі уақытта қайғылы оқиғаның себептері мен мән-жайын анықтау үшін тергеу шаралары жүргізіліп жатыр.
«"ERG Service" ЖШС ұжымы мен басшылығы марқұмның туған-туыстары мен жақындарына қайғырып көңіл айтады. Компания оның отбасына қажетті көмек көрсетеді», – делінген кәсіпорын хабарламасында.
Еске салсақ, 30 мамырда KAZ Minerals компаниясына қарасты Артемьев шахтасында тау жынысы опырылуы салдарынан кәсіпорын қызметкері қаза тапқан еді.