Рысқалиев пен Мусин Лондонда не үшін кездесті?
Бүгін бірқатар телеграм-каналдарда Президент әкімшілігінің экс-басшысы Аслан Мусин мен Атырау облысының бұрынғы әкімі Бергей Рысқалиевтің Лондонда кездескен фотосы жарияланды.
Алматы, NEGE. «Ескі Қазақстанның» бұрынғы екі шенеунігі Лондондағы аса қымбат киімдер сататын Burberry дүкенінің алдында суретке түскені бекер болмаса керек. Мәселен Б.Рысқалиев 2013 жылы «ұйымдасқан қылмыстық топ құрды, бюджет қаржысын жымқырды» деп айыпталып, 17 жылға сырттай сотталған. Ал оның байыры – бұрынғы депутат Аманжан Рысқалиевке де 16 жыл жаса кесілді. Алайда ағайындылардың ешқайсысы түрмеге түскен жоқ. Кейбір деректерге қарағанда, олар Лондонда бай-бақуатты ғұмыр кешіп жатыр.
Бір қызығы, төр жыл бұрын жаңадан өткен сотта ағайынды Рысқалиевтердің тәркіленген дүние-мүлкінің бір бөлігі қайтарылған болатын.
Ал Аслан Мусинге қатысты көп ақпарат жоқ. Бірер жыл бұрын оның ұлы Асылбек Мусин шетелде жұмбақ жағдайда қайтыс болды. 2017 жылы зейнет жасына толуына байланысты қызметінен босатылған Аслан Мусин азаматтығын ауыстырып, Еуропа елдерінің бірінде тұрып жатқан көрінеді.