Рысбек Сәрсенбайұлы 70 жасқа толды
Журналист, қоғам қайраткері, саясаткер Рысбек Сәрсенбайұлы бүгін 70 жасқа толды.
Р.Сәрсенбайұлы 1951 жылы 8 маусымда Алматы облысының Нарынқол ауданында (қазіргі Райымбек ауданы) дүниеге келген. Әл-Фараби атындағы Қазақ Ұлттық университетін тәмамдаған. Мамандығы – журналист.
Әр жылдары Нарынқол аудандық «Советтік Шекара» (қазіргі «Хан Тәңірі») газетінің тілшісі, «Социалистік Қазақстан» (қазіргі «Егемен Қазақстан») газетінде тілші, жауапты хатшының орынбасары, бөлім бастығы, бас директор, вице-президент қызметтерін атқарды.
2005-2018 жылдары «Жас Алаш» ЖШС вице-президенті, президенті және «Жас Алаш» газетінің бас редакторы болды.
Сондай-ақ Рысбек Сәрсенбайұлы журналистер Одағы сыйлығының иегері.
Nege.kz порталының ұжымы қоғам қайраткері Рысбек Сәрсенбайұлын мерейтойымен құттықтайды!