Рим Папасының Қазақстанға сапарының бағдарламасы ұсынылды
Рим Папасының Қазақстанға сапарының бағдарламасы ұсынылды, деп хабарлады Қазақстан Республикасы сыртқы істер министрлігінің баспасөз қызметі.
Алматы, NEGE. «Сапардың бірінші күні Рим Папасының Қазақстан Президенті Қасым-Жомарт Тоқаевпен, сондай-ақ елімізде тіркелген шетелдік дипломатиялық корпус және азаматтық қоғам өкілдерімен кездесулері жоспарланған», - делінген сейсенбідегі хабарда.
Ары қарай Рим-католик шіркеуінің басшысы Әлемдік және дәстүрлі діндер лидерлерінің VII съезінің ашылуына және пленарлық отырысына, сондай-ақ кейбір басқа дін лидерлерімен бірқатар кездесулерге қатысады деп күтіліп отыр. 14 қыркүйекте Рим Папасы Франциск мыңдаған католик дінін ұстанушылар, оның ішінде Қазақстан астанасына арнайы келетіндері үшін дұға (месса) өткізеді.
Соңғы күні ол Әлемдік және дәстүрлі діндер лидерлерінің VII съезінің жабылуына және оның қорытынды декларациясының қабылдануына қатысуды, сондай-ақ Рим-католик шіркеуінің Қазақстандағы және көрші елдерден келетін дін қызметкерлерімен, монахтарымен және семинаристерімен кездесуді жоспарлап отыр.
Еске салсақ, Рим Папасы Қазақстанда 13-15 қыркүйек аралығында болады.
