Рим папасы Қазақстанға келеді
Ватикан сайтында Рим Папасының Қазақстанға сапары туралы ақпарат жарияланды.
Алматы, NEGE. "Азаматтық және шіркеу билігінің шақыруын қабылдай отырып, Рим Папасы Франциск Әлемдік және дәстүрлі діндер көшбасшыларының VII съезіне орай, биыл 13-15 қыркүйек аралығында Қазақстанға жарияланған Апостолдық сапарын жасайды", - делінген Ватиканның ресми хабарламасында.
Бұған дейін Ақорданың баспасөз қызметі Рим Папасы Франциск 13-15 қыркүйекте Қазақстанға келетінін хабарлаған болатын. Сапар барысында еліміздің жоғары басшылығымен кездесіп, Әлемдік және дәстүрлі діндер көшбасшыларының VII съезіне қатысу жоспарланған.