Риддерде жылу электр орталығы өртенді
Шығыс Қазақстан облысы Риддер қаласындағы жылу электр орталығынан өрт шықты.
Алматы, NEGE. Аймақтық ТЖД баспасөз қызметі өрт шыққанын растады. Бірақ сол жерде облыс әкімдігінің жедел штабы құрылғандықтан әзірге ақпарат бере алмайтындықтарын айтты.
Осы ретте, ШҚО әкімдігіне де байланысқа шықтық. Облыстық Қоғамдық даму басқармасы қызметкерлерінің мәліметінше, қазіргі уақытта өртпен күрес жалғасуда.
«Аймақ басшысы Даниал Ахметов сол жерге жолға шықты. Штаб отырысының қорытындысынан кейін қосымша ақпарат беріледі», - деді басқарма өкілдері.