Республикалық ақындар айтысы өтеді
Шығыс Қазақстан облысы Көкпекті ауданында республикалық айтыс өтеді, деп хабарлайды zakon.kz.
Алматы, NEGE. Бұл туралы аудан әкімі Серікқазы Сәдуақасов Facebook-тегі парақшасында жазды.
– Сәтін салса, биылғы жылдың сәуір айында еліміздегі ахуал шегі тұрақталса, былтыр ғана ортамыздан ұзаған, ауданымыздағы аяулы азаматтардың бірі Дүйсембаев Қайратты еске алуға арналған «Елін сүйген ерлер бар...» атты республикалық айтыс өтеді. Бауыржан Рапеков бастаған марқұмның достары айтыстың бас жүлдесіне су жаңа автокөлік тігуге шешім қабылдады, – деп жазды әкім.
Аудан басшысының жазуына қарағанда, айтысқа Ринат Зайытов, Аспанбек Шұғатаев, Дидар Қамиев, Рүстем Қайыртайұлы, Жансая Мусина, Серік Қуанған сияқты елге танымал ақындар қатысады.
