«Республика күніне» арналған логотипке қатысты дау шықты
Қазақстанда президент жарлығымен биылдан бастап 25 қазанда «Республика күні» қайтадан ресми мереке ретінде тойланатын болды.
Алматы, NEGE. Мерекеге санаулы күндер қалды. Сол себепті атаулы күнге дайындық қазірден басталып кеткен.
Жақында қала билбордтарында «Республика күнінің» жаңа логотипі іліне бастады. Логотипке бүркіт бейнесі таңдалып алынған.
Алайда, логотипте бейнеленген бүркіттің ешқандай ізденіссіз интернеттен көшірілгені белгілі болды. Ол туралы Еgovpress, Qumash_kz телеграм каналдары дәлел келтіріп жазды.
Логотиптегі бейнені ғаламтордағы дизайнерлерге арналған тегін чаттан оп-оңай алуға болатыны белгілі болды. Алайда, аталмыш логотипті жасау үшін бюджеттен қанша қаражат жұмсалғаны белгісіз.