Ресми жұмыс істемеген аналардың зейнетақысы қалай есептеледі?
ҚР Еңбек және халықты әлеуметтік қорғау министрі Тамара Дүйсенова Орталық коммуникациялар қызметінде өткен брифингте бала күтімімен өмір бойы жұмыс істемеген аналардың зейнетақысының қалай белгіленетініне байланысты сауалға жауап берді.
Алматы, NEGE. Сөзінше, мемлекет мұндай аналардың әр баласына 3 жылдық еңбек өтілі ретінде қарастырады.
Министр зейнетақы жинағы төмен аналарға бала санына қарай еңбек өтілі мерзімі берілетінін айтты.
“Егер ана өмірін баласына арнап, соған қараған болса, әр балаға 3 жылдан қосымша еңбек өтілі беріледі. Сондықтан ең кем дегенде мемлекет 4 бала дүниеге алып келген аналарға 12 жылдық еңбек өтілін сыйлаған. Сонда аналар ең кем дегенде 65 мың теңгеден жоғары зейнетақы алады”,- деді Тамара Дүйсенова.