Желіде ресейліктерге Қазақстан азаматтығы сатылып жатыр деген ақпарат тарады
Интернетте ресейліктерге Қазақстан азаматтығына құжаттарды жинау және ресімдеу қызметін көрсететін компанияның жарнамасы жарияланды.
Алматы, NEGE. Қызметтің құны 6,5 мың еуродан басталады және оны бөліп төлеуге болады. Сондай-ақ, паспортты алғандарға бірқатар артықшылық берілетіні айтылған.
ҚР Ішкі істер министрлігі бұл жарнама алаяқтық екенін ескертті.
«Бұл фирмалар азаматтықты және жеке басын куәландыратын құжаттарды бермейді. Қазақстан азаматтығын алу үшін өтініш білдіруші ішкі істер органдарына жеке өзі жүгінуі тиіс. Бұл ретте құжаттарды сенімхат бойынша немесе үшінші тұлғалар арқылы беруге тыйым салынады», – делінген хабарламада.