Ресейлік газ тасымалы Қазақстанды Орталық Азия нарығынан ығыстырып жатыр
Ресейдің сұйытылған көмірсутек газы Орталық Азия нарығынан қазақстандық өнімді ығыстырып жатыр, деп хабарлайды «Нефть и газ Казахстана» арнасы.
Астана, NEGE. Қазан айында Қазақстан сұйытылған көмірсутек газының экспортын тәуліктік есепте 12%-ға төмендетті: қыркүйектегі 48 761 тоннадан 44 348 тоннаға дейін.
Негізгі себеп – отын түрінің өндірісі «Теңізшевройлда» 21%-ға және Атырау МӨЗ-де 94%-ға азаюы. Екі өндірісте де жөндеу жұмыстары жүргізіліп жатыр.
Reuters агенттігінің хабарлауынша, қаңтар–қазан айларында Қазақстаннан сұйытылған көмірсутек газының экспорты 15%-ға төмендеп, 596 588 тонннан 507 213 тоннаға жеткен. Бұл республикадан сұйытылған газ шығаруға қойылған шектеулер мен ішкі тұтынудың өсуіне байланысты.
Орталық Азия елдерінде автогазға сұраныс электромобильдерге көшуіне байланысты азайып келеді. Сонымен қатар, ресейлік өндірушілер Батыстың санкциялар қысымына байланысты аймаққа сұйытылған газ жеткізілімін арттырды, бұл қазақстандық жеткізушілермен нарық үшін бәсекелестік туғызады, – делінген хабарламада.
Аналитикалық орталық мәліметтері бойынша, 2025 жылдың 10 айында Қазақстаннан Ауғанстанға газ экспорты өткен жылдың сәйкес кезеңімен салыстырғанда 98%-ға, Тәжікстанға – 31%-ға, Өзбекстанға – 29%-ға төмендеген.
