Ресейлік әнші Клава Кока Бозжырада бейнебаян түсірді
Ресейлік әнші Клава Коканың «Сто шагов назад» атты әнінің бейнебаяны жарық көрді.
Алматы, NEGE. Түсірілім жұмыстары Маңғыстау облысындағы Бозжырада жүргізілген.
«Біз тартылып қалған ежелгі Тетис мұхитының түбіне жету үшін мыңдаған километрді артқа тастадық. Бұл жердегі тастар кейіпкерлер туралы бәрін өздері баяндайды. Бұл бейнебаяндағы әр локация ерекше: барлық әрекеттер мен детальдардың мен үшін мәні терең. Символизмді және терең ойға енуге қызығатындар үшін бұл туындыны көруге кеңес беремін!» – деп жазды әнші.
Сондай-ақ Клава өзінің әлеуметтік желідегі парақшасында бейнежазбаны жариялап, өңірде жұмыс істеу барысында алған әсерімен бөлісті.