Ресейде шенеуніктердің жүйкесін ойыншықпен тыныштандырмақ
Ресейдегі мемлекеттік мекемелер мен жоғары оқу орындары қызметкерлеріне антистресс ойыншықтарын жаппай сатып ала бастаған. Бұл туралы Baza Telegram-арнасы хабарлады.
Астана, NEGE. Басылым журналистері аймақтық мемлекеттік органдар мен университеттердің жүздеген антистресс ойыншықтарын сатып алғанын анықтады. Кейбір ойыншықтарға мекемелердің логотиптері басылған.
Басылымның мәліметінше, Челябі мемлекеттік университеті оқу орнының символикасы бар 160 жұмсақ ойыншыққа, Уфа мұнай университеті 100 антистресс ойыншығына тапсырыс берген. Ал Новосібір облысының Аймақтық даму орталығы өз логотипімен 50 «Снежок» шарын сатып алған.
Ұқсас жағдай Ресейдің басқа өңірлерінде де бар. Ханты-Манси автономиялық округі іс-шараларға арналған үстел ойындарын сатып алса, Тыва округі кітаптармен қоса антистресс боямақтарын алдырған.
BAZA дерегінше, жарты жыл ішінде Ресейде антистресс ойыншықтарына деген сұраныс 8,6 есе өсті. Жаз мезгілінің өзінде ресейліктер 12 мыңнан астам антистресстік өнімге 8 миллион рубль қаражат жұмсаған.