Ресейде президент сайлауы басталды
Ресейде 15-17 наурыз аралығында 3 күн президент сайлауы өтеді.
Алматы, NEGE. Бүгін сайлаудың бірінші күні басталды. Ресейліктер президентті төрт үміткердің арасынан таңдайды. Олар: қазіргі президент Владимир Путин, «Новые люди» партиясынан Владислав Даванков, коммунист Николай Харитонов пен ЛДПР-ды Владимир Жириновскийден мұра еткен Леонид Слуцкий.
Сайлауға басып алынған аумақтардың Донецк және Луганск халқы, Запорожье және Херсон облыстарының тұрғындары да қатысады.
Сайлауда алғаш рет қашықтықтан дауыс беру қарастырылған. Ол 29 облыста өтеді. Қатысуға бес миллионға жуық адам өтініш білдірді. Мәскеуде 200 мыңға жуық сайлаушы онлайн бюллетень алды.
