Ресейде құлаған ұшақтың командирі Ақтөбеде оқыған
Ресейдің Амур облысында жолаушылар ұшағы апатқа ұшырап, ұшақ бортындағы жолаушылардың бәрі қаза болды. Кейбір деректерге қарағанда, ұшақта 43 жолаушы (оның ішінде 5 бала) және 6 экипаж мүшесі болған.
Алматы, NEGE. Тында қаласындағы әуежай маңында апатқа ұшыраған Ан-24 ұшағының командирі Вячеслав Логвинов Қазақстанда әскер оқу орнын бітірген екен. Бұл туралы Mash телеграм каналы жазды.
«Ангара» әуе компаниясына жұмысқа орналасқанға дейін ол (В.Логинов – ред.) Ақтөбе қаласындағы Т.Бигельдинов атындағы Әуе шабуылына қарсы қорғаныс күштері әскери институтын бітірген», – деп жазды телеграм канал.
Кеңес Одағының екі мәрте Батыры Т.Ж. Бигелдинов атындағы Әуе қорғаныс күштерінің Әскери институты – авиация мамандарын даярлайтын әскери жоғары оқу орны. 1974 жылы ашылған. Оқу орны инженер-ұшқыш, инженер-психолог, жалпы инженер, т.б. мамандықтар бойынша авиация кадрларын даярлайды.
Институт Қазақстан Республикасы Үкіметінің 1996 жылы 4 маусымдағы № 688 «Ақтөбелік жоғары азаматтық ұшқыш авиацияны Кеңес Одағының екі мәрте батыры Т.Я.Бигелдинов атындағы Әуе қорғаныс күштерінің Әскери институтына ауыстыру туралы» қаулысымен құрылған. Қазақстан Республикасы Үкіметінің 2003 жылдың 10 шілдесі № 684 қаулысы негізінде Ақтөбелік жоғары азаматтық ұшқыш авиациясы Кеңес Одағының екі мәрте батыры Т.Я.Бигелдинов атындағы Әуе қорғаныс күштерінің Әскери институты болып атауы өзгерді.
