Ресей Қазақстанның Германияға тасымалданатын мұнай экспортын тоқтатуы мүмкін
Ресей 1 мамырдан бастап Қазақстаннан «Дружба» мұнай құбыры арқылы Германияға тасымалданатын мұнай экспортын тоқтатуды жоспарлап отыр.
Астана, NEGE. Бұл жөнінде Reuters агенттігі хабарлады.
Ақпарат агенттігіне үш түрлі дереккөздің хабарлауынша, Қазақстан мен Германияға түзету енгізілген мұнай экспорты кестесі жіберілген. Алайда Кремль бұл ақпаратты әлі растаған жоқ.
Қазақстан Германияға мұнайды Ресей аумағы арқылы өтетін «Дружба» құбырының солтүстік тармағы арқылы жеткізеді.
2025 жылы Қазақстанның осы құбыр арқылы Германияға мұнай экспорты 2,146 миллион метрикалық тоннаға тең болған, яғни тәулігіне шамамен 43 мың баррель жеткізілген, бұл 2024 жылмен салыстырғанда 44%-ға көп.