Дүние
Ресейлік хакер қылмысын жартылай мойындады
Кибер-қылмыс жасады деп күдікке ілінген Алексей Бурков өзіне тағылған бес айыптың екеуін мойындаған. Сот отырысы 24 қаңтар күні АҚШ-тың Вирджиния штатында өткен. Бұл туралы РИА Новости хбарлады.
Алматы, NEGE. Алексей Бурков 2015 жылы Израильде ұсталып, 2019 жылдың қараша айында АҚШ-қа экстрадицияланған еді. Прокуратураның мәліметінше, 2009-2013 жылдары хакер ұрланған банк картасы туралы мәліметтерді сататын Cardplanet веб-сайтын басқарған. Ұрланған дүниенің көпшілігі АҚШ азаматтарына тиесілі болған. Жалпы, 150 мың карточканың деректері бұзылған деген болжам жасалып отыр. Қолды болған қаржы 20 миллион АҚШ долларынан асады.
Келесі сот отырысы 2020 жылдың мамыр айында өтеді. Хакер 15 жылға бас бостандығынан айырылуы мүмкін.