Ресейдің жаңа мәдениет министрінің балағат сөз жазылған кеудешемен түскен суреті жария болды
Әлеуметтік желілерде Ресейдің жаңа мәдениет министрі Ольга Любимованың жеке басы қызу талқыға түсті.
Алматы, NEGE. Интернет қолданушылары мәдениет министрінің былапыт сөз жазылған кеудешені киіп түскен суретін жариялаған. Драматург Николай Коляда «Ол жақсы министр болады», - деп мысқылдап пікір қалдырыпты. Любимованың кеудешесіндегі жазулар бір кездері интернетте кең тараған әзілмен байланысты. Әлеуметтік желілерде хит болған бейнежазбада терезесінен басын шығарған ер адам шақырылмаған қонақтарды боғауыз сөзбен сыбайды.
Ольга Любимова М.С. Щепкин атындағы Жоғарғы театр училищесінің ректоры Борис Любимовтың қызы болып келеді. 2018 жылдан бері ол Ресейдің мәдениет министрлігінің кино департаментін басқарған. Мұндайда халық «Қараушысы қандай болса, қауымы да сондай болады» деуші ме еді?