Ресейдің Ейск қаласындағы ұшақ апатынан қаза тапқандар саны артты

Алматы, NEGE. Зардап шеккендер саны туралы жаңартылған мәліметтерді Ресей Федерациясының Төтенше жағдайлар министрлігі хабарлады. Қазір апат болған жерде төтенше жағдай жарияланды.

Ресей Төтенше жағдайлар министрлігінің мәліметінше, Ейскідегі ұшақ апатынан қаза тапқандар саны 13 адамға жеткен.

Краснодар өлкесінің Азаматтық қорғаныс және төтенше жағдайлар министрлігінің ресми Telegram каналында өрттің толық сөндірілгені хабарланды. 

"Ейск қаласындағы көпқабатты үйдегі өрт толығымен сөндірілді. 250 адам эвакуацияланды, оның ішінде 40 бала бар. Барлығы алты қонақүй мен 500 орындық пансионаттарға орналастырылды", - делінген хабарламада.