Ресейдің 74 аймағынан шошқа тұмауы анықталды
Ресейдің 74 аймағында «шошқа тұмауы» анықталды, деп хабарлады Роспотребнадзордың баспасөз қызметі.
Алматы, NEGE. Ресейде ЖРВИ және тұмаумен ауыру көрсеткіші бір аптада 23,3%-ға өскен. Сонымен қатар, 2022 жылдың 48-ші аптасында COVID-19-дың 43,4 мың жағдайы тіркелді, бұл 47-ші аптамен салыстырғанда 11,6%-ға көп.
«Аурудың артуы 57 аймақта, соның ішінде Мәскеу, Мәскеу облысы және Санкт-Петербургте тіркелді», - деп хабарлады Роспотребнадзор.
Қараша айының соңында Денсаулық сақтау министрі Михаил Мурашко шошқа тұмауы (H1N1) биылғы маусымда белсенді түрде тарала бастағанын, сондықтан вакцинацияның маңызы зор екенін атап өткен. Сонымен қатар, алты айдан астам уақыт бұрын коронавирусқа қарсы екпе алғандар қайта вакцинациялануы керек екенін ескерткен.