Ресейдегі қазақ студентін ұрлап, Украинадағы соғысқа күштеп аттандырған
Барлық ресми сауалдарға жігіттің ата-анасы жауап ала алмай отыр.
Алматы, NEGE. 2023 жылдың 18 наурызында белгісіз біреулер Томск мемлекеттік университетінің 4 курс студенті, 2000 жылы 30 қаңтарда туған Қазақстан Республикасының азаматы БЕКЕНОВ Марғұлан Асқарұлын ұрлап кеткен.
Мәліметтерге сәйкес, ол қазір Ресей Федерациясының Краснодар өлкесінің Молкино ауылында «Вагнер» жеке әскери ротасының оқу-жаттығу базасында көрінеді.
«Баламды іздеп табуға көмектесіп, оны Отаны Қазақстанға қайтаруларыңызды сұраймын», – деді 23 жастағы Марғұлан Бекеновтің анасы Альмира Бекенова.
Айтуларынша, ол наурызда Краснодар өлкесінде тұратын сөйлесіп жүрген қызына қонаққа барған.
«Түсінсек бұйырмасын, Томск қайда және Кубан қайда? Бұл қыз оның сүйіктісіне қалай айналды? Содан кейін байланыс үзілді», – дейді анасы.
Тек арада бір апта өткеннен кейін анасына хабарласып өзінің тірі, жағдайы жақсы екенін хабарлаған. Алайда, қоңырау шалуға мүмкіндігі болмаған. Анасы дереу досы мен Кубандық қызына хабарласып, оны күштеп алып кеткенін естіген.
Ол дереу Краснодарға ұшып келеді. Осы уақыт бойы оны ол жерден шығаруға тырысады. Бірақ ол баласымен 9 сәуірде бақылау-өткізу пунктінде командирінің бақылауымен және қатысуымен аз уақытқа кездесуге қол жеткізді. Ұлы ешқандай келісім-шарт жасамағанын және Қазақстан Республикасының азаматтығынан бас тартпағанын айтады. Ал 12 сәуірде оның соғыс аймағына жеткізілгені туралы хабарлама келеді.
Ата-анасының бармаған, жүгінбеген жері қалмаған.
«Оны автокөлікпен командирінің бақылауымен алып келді. Сөйлесуге 5 минут берді. Дұрыс сөйлестірмеді. Командирі әңгімелеріне араласа берді. Альмира сол арада оның ешқандай келісм-шартқа қол қоймағанын анықтап алды. Ол тамақ, ақша сұраған. Киімдері нашар, жүздері жұтаң болды. Оны әрең таныды. Марғұланды тездетіп автокөлікке отырғызды да алып кетті. Оны күштеп алып кеткендері білініп тұр. Оны шығармайды. Себебін білуге тырыстық, бірақ жауабын ала алмадық.
Альмира оның командирінің Қазақстанның Қарағандысынан екенін біліп алды. Қажетті шара қолданып, Қазақстан Республикасының азаматы Марғұлан Асқарұлы Бекеновті құтқаруларыңызды сұраймыз», - деді Дулат Бекенов.
Жоғалған жігіттің анасы қазір жауап іздеп, Ресейді шарлауға мәжбүр.
