Дүние
Ресейде келесі аптадан бастап жаңа «Москвич» автокөліктері құрастырылады
Мәскеудің мэрі Сергей Собянин «Москвич» зауыты келесі аптада жаңа көліктердің алғашқы құрастыруын бастайтынын хабарлады.
Алматы, NEGE. «Москвич» автомобиль зауыты көліктердің жаңа үлгілері қандай болатынын көрсетті. Сонымен қатар брендтің алғашқы электромобильінің жобасын да таныстырды.
Компания автомобиль бес түрін шығаруды жоспарлап отыр: кроссовер, C класындағы 3 седан және электромобиль.
Көліктерде логотип жоқ, бірақ жергілікті БАҚ бұл қытайлық JAC маркасының көліктері екенін жазып жатыр.
Мамыр айында француздық Renault автоконцерні Renault Russia зауытын Мәскеу үкіметіне берді. Кәсіпорынның атауы «Москвич» болып өзгертілді.