Ресейде Абай Құнанбаевқа арналған көрме өтеді
Абайдың 175 жылдық мерейтойы аясында Ресейдің Новосібір, Омбы, Барнаул қалаларында ұлы ақынға арналған көрме өтеді.
Алдағы уақытта Алматы, Атырау, Қызылорда, Талдықорған және тағы басқа бірнеше шаһарда, сонымен бірге Ресейдің Новосібір, Омбы, Барнаул қалаларында Абайдың өмірі мен шығармашылығына арналған көрме ұйымдастырылмақ. Ресей тұрғындары музей қорын тамашалауға мүмкіндік алады. Бұл жайлы «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің директоры Жандос Әубәкір мәлімдеді.
«Семей қаласында халықаралық ғылыми-тәжірбиелік конференция өткізуді жоспарлап отырмыз. Сондай-ақ Абайдың таңдамалы шығармаларының 4 тілдегі жинағы, музей туралы альбом-кітап, буклеттер дайындалмақ», - дейді ол.
Айта кетейік, алдағы уақытта Абай музейі экспозициясын жаңғыртуға 250 миллион теңге бөлінеді.
