Ресей Одессаға зымыран соққысын жасады
Украина президенті Владимир Зеленский Ресей тарапы келтірген Одессадағы зымыран әуе шабуылдарынан кейін Кремльге жауап берді.
Алматы, NEGE. Бұл туралы Euronews телеарнасының сюжетінде айтылған.
«Бүгін Ресей Украина, Одессаға тағы бір зымыран соққысын жасады. Кем дегенде сегіз адам қаза тапты, 18-і жарақат алды. Қаза тапқандардың ішінде үш айлық қыз бар. Оның Ресейге қандай қаупі бар еді? Балаларды өлтіру – Ресей Федерациясының жаңа ұлттық идеясына айналған болуы керек. Қыздың анасы мен әжесі де қаза болды», – деді Зеленский Telegram-арнасында жарияланған видеода.
Президенттің сөзінше, соққы Ресей стратегиялық авиациясы Каспий теңізі аймағынан берілген. Одесса билігінің мәліметінше, қалаға бағытталған екі зымыран әскери нысанға, екеуі тұрғын үйлерге түскен. Ал Ресейдің Қорғаныс министрлігі зымыран соққысы Одесса маңындағы әскери аэродромдағы логистикалық терминалға соққы жасалғанын мәлімдеді, онда АҚШ пен ЕО-дан қару-жарақтың үлкен партиясы сақталған.
