«Ресей КСРО-дан жапа шеккен»
Ресейдің Конституциялық сотының судьясы Константин Арановский КСРО-ға қатысты ерекше пікір айтып, орыс қоғамында қызу талқыға түрткі болды.
Алматы. NEGE. Ол Ресейдің де КСРО-дан жапа шеккенін айта келе, Кеңес Одағын «заңсыз құрылған мемлекет» деп атады. Оның пікірінше, Ресей Федерациясы КСРО-ның мұрагері ретінде емес, «оның орнына және оған қарсы» құрылған. «Зардап шеккен елдерден кейін болса да, әйтеуір Ресей ерте ме, кеш пе, кеңес кезеңін заңнамалық тұрғыдан айыптайтын болады», - деп мәлімдеді Константин Арановский.
