Ресей Қазақстанға электр энергиясын жеткізеді
Қазақстан мен Ресей елімізге электр энергиясын жеткізу мәселесін талқылап жатыр. Бұл туралы Ресей премьер-министрінің орынбасары Александр Новак мәлімдеді.
Алматы, NEGE. "Қазақстанға электр энергиясын жеткізу бойынша қандай да бір шешімдер немесе мерзім қабылданды ма?" - деген сұрақ Нұр-Сұлтандағы Каспий құбыр консорциумы мүшелерінің кездесуінен кейін Ресей вице-премьеріне қойылды.
"Негізі, иә. Бірақ компаниялар бір-бірімен коммерциялық келісім-шарт жасасуы керек, олар келіссөз жүргізуі керек. Негізінде мұндай сұраныс бар және негізінен жеткізу мүмкіндіктері де бар. Бұл туралы бүгін және кеше сөйлестік. Сондықтан, біздің компаниялар жақын арада келіссөз жүргізеді", - деп жауап берді Новак.