Ресей Қазақстан полигонындағы нысанаға құрлықаралық баллистикалық зымыран ұшырды
Ресей Қазақстандағы Сары-Шаған полигонындағы нысанаға құрлықаралық баллистикалық зымыранды ұшырды.
Алматы, NEGE. Сәуірдің 12-не қараған түні Ресей қорғаныс министрлігі құрлықаралық баллистикалық зымыран сынағы туралы хабарлама таратты.
Стратегиялық зымыран күштері 11 сәуірде Астрахань облысындағы Капустин Яр полигонында баллистикалық зымыранды сәтті сынақтан өткізді.
"Ұшыру мақсаты құрлықаралық баллистикалық зымырандардың озық жауынгерлік техникасын сынақтан өткізу болды. Зымыранның оқу-жаттығу оқтұмсығы Қазақстан Республикасындағы Сары-Шаған полигонындағы шартты нысанаға дәл тиді. Әскерилер өздеріне жүктелген міндеттерді толық орындап шықты", - деп хабарлады Ресей қорғаныс министрлігі.
Ресей Сыртқы істер министрінің орынбасары Сергей Рябков америкалық тараптың Капустин Ярдан баллистикалық зымыран ұшырылатыны туралы ақпараттан хабардар болғанын жеткізді.