Ресей ит пен мысығына дейін вакцина салып жатыр
Ресейде иттер мен мысықтарды коронавирусқа қарсы вакциналау басталды.
Алматы, NEGE. Киров облысына жануарларға екпе егу үшін «Карнивак-Ков» препаратының алғашқы партиясы жеткізілді. Бұл туралы осы өңірдің ветеринария басқармасының сайтында жарияланды. Ресми орган таратқан ақпаратқа сенсек, «Карнивак-Ков» - бұл Ковид-19-ға қарсы жануарларға арналған әлемдегі алғашқы әрі жалғыз вакцина. Екпені ойлап тапқан осы елдің Жануарлар денсаулығын қорғау федералды орталығы. Енді ресейліктер аңдарды үш айынан, иттер мен мысықтарды алты айынан бастап екі рет егеді. Ал ревакциналау әр жарты жыл сайын өтеді.
