Дүние
«Ресей әскері әйелдерді отбасының көзінше зорлап жатыр» – Ұлыбританияның Украинадағы елшісі
Ұлыбританияның Украинадағы елшісі Мелинда Симмонс Ресей әскері басып алған аймақта украин әйелдерінің зорлық-зомбылыққа ұшырап жатқанына қатысты пікір білдірді
, деп хабарлады turkystan.kz.
Аcтана, NEGE. «Әзірге Украинадағы мұндай зорлық-зомбылықтың ауқымы қандай екенін нақты білмейміз, бірақ әйел зорлауды Ресей әскері құралға айналдырғаны анық. Әйелді балаларының көзінше, қызды отбасының алдында зорлап, қорлау – асқан жауыздықтың белгісі. Олар сөйтіп халықты құлға айналдырғысы келеді», – деді дипломат.
Сондай-ақ халықаралық Human Rights Watch құқық қорғау ұйымы Харьков облысында 13 наурыз күні отбасымен тығылып отырған әйелдің зорланғаны туралы мәлімдеме жасады. Әйелдің сөзіне қарағанда, оны зорлаған сарбаз ұрып-соғып, беті мен мойнын пышақпен тілген.
Құқық қорғау ұйымы бейбіт адамдарға жасалған зорлық-зомбылықтың басқа екі фактісін хабарлады. Әйелдің зорланғанын Amnesty International Украина директоры Оксана Покальчук те растады.