Референдумға қатысушылардың 71,12 пайызы АЭС құрылысын қолдады
Қазақстан Республикасының Орталық референдум комиссиясы 2024 жылғы 6 қазандағы дауыс берудің алдын ала қорытындыларын жариялады.
Алматы, NEGE. Алынған мәліметтерге сәйкес, 12 миллион 284 мың 487 адамның референдумға қатысуға құқығы болды.
7 миллион 820 мың 204 азамат немесе сайлаушылардың 63,66%-ы дауыс беруге қатысты. 5 миллион 561 мың 937 адам немесе сайлаушылардың 71,12%-ы Қазақстанда атом электр станциясының құрылысын қолдады.
Орталық сайлау комиссиясы мәліметінше, сайлаушылардың 28,88 пайызы АЭС құрылысына қарсылық білдірген. 5 561 937 адам АЭС-ті қолдаса, 2 045 271 қазақстандық қарсымын деп дауыс берген. 130 267 бюллетень жарамсыз деп танылды.
