«Реал» мен «Барселонаның» экс-ойыншысы Қырғызстан футболистерін баптайды
«Реал Мадрид» пен «Барселона» командаларының бұрынғы ойыншысы Роберт Просинечки Қырғызстан ұлттық құрамасының бас бапкері болды.
Астана, NEGE. Еуропалық жаттықтырушы Роберт Просинечкимен 1 жыл 1 айға келісімшарт жасалды. Егер команда 2027 жылы Азия Кубогында жақсы нәтиже көрсетсе, келісімшарт автоматты түрде тағы үш жылға ұзартылмақ.
Роберт Просинечки – «Реал Мадридте» де, «Барселонада» да ойнаған аз спортшылардың бірі. 1998 жылы Хорватия құрамасы сапында әлем чемпионатында қола медальға ие болды.
Қырғызстанда Роберт Просинечкидің тағайындалуы ұлттық құраманы жаңа деңгейге көтеріп, оның халықаралық ареналардағы позициясын күшейтеді деген үміт бар.
