Раушан иісі аңқып тұр – Бишімбаев Нүкенова өлім аузында жатқан кезде басқа әйелдермен сөйлескен
Сот отырысында Салтанат Нүкенова өлім аузында жатқан кезде Қуандық Бишімбаевтың басқа әйелдермен хат алмасып отырғаны белгілі болды.
Астана, NEGE. Сот отырысында сотталушы Қуандық Бишімбаевтың телефоны, WhatsApp-тағы хабарламалары зерттелді.
WhatsApp желісіндегі хабарламаға сәйкес, 9 қарашада Бишімбаевпен мейрамханада кездесіп, мекемені жарнамалауға келіскен блогер Гүлнар Насырбекова айыпталушыға хабарлама жазған.
Гүлнар Насырбекованың Қуандық Бишімбаевқа жіберген хабарлама мәтінінде: «Айтпақшы, сенен раушан иісі аңқып тұр», – деп жазылған. Мәтінмен қоса фотосурет те жіберілген.
Сонымен қатар, Бишімбаев дәл сол уақыт шамасында «Юлия Супер» есімді әйелмен де хат алмасқан.