Рахат Тұрлыханов 10 тәулікке қамалды
Рахат Тұрлыханов әйелін ұрғаны үшін 10 тәулікке қамалды.
Алматы, NEGE. «Сот алқасының қаулысымен Рахат Тұрлыхановқа қатысты жаза – ескертуден, 10 тәулікке әкімшілік қамаққа алуға өзгертілді», - деп хабарлады Алматы сотының баспасөз қызметі.
Бұған дейін Тұрлыхановтың 2023 жылдың желтоқсан айында үйінде жанжал шығарып, әйелін соққыға жыққаны белгілі болған еді.
Алматыда бұл дерек бойынша сот отырысы өтті, алайда тараптар татуласып, іс тоқтатылған. Тұрлыхановқа ескерту түріндегі жаза белгіленген болатын.
Көп ұзамай Тұрлыхановтың ісі бойынша сот кабинетінде 10 қаңтарда апелляциялық шағым пайда болды.
