QR-код электронды цифрлық қолтаңбаны толығымен алмастыра ма?
БАҚ-та және әлеуметтік желілерде QR-кодтың көмегімен құжаттарға қол қою тәсілін енгізе отырып, ЭЦҚ-ға қол қою мүмкіндігі жойылатыны туралы ақпарат тарауда.
Алматы, NEGE. Ведомства қоғамдағы түрлі түсінбеушілікті болдырмау мақсатында осы мәселені түсіндіріп өтті.
QR кодымен құжаттарға қол қою - бұл смартфон иелеріне құжаттарға қол қою процесін жеңілдететін балама әдіс. Бұл EGOV Mobile мобильді қосымшасы арқылы ЭЦҚ технологиясымен қол қою үшін құжатқа жылдам және оңай қол жеткізу мүмкіндігі.
Қолданушы үшін бұл үдеріс мынадай жолмен жүзеге асады:
Браузердегі QR кодты телефондағы Egov Mobile қосымшасы арқылы сканерлеу
Egov Mobile-ға пин-кодты енгізу немесе биометриялық деректер (саусақ ізі\көз қарашығы\бет-әлпетті тану) арқылы қол қоюға ұсынылған деректерді оқу.
Бұл жағдайда QR код сканерленетін компьютерде NCALayer орнату қажет емес.
Сонымен қатар, NCALayer пайдаланатын қолтаңбалардың қолданыстағы ЭЦҚ тетіктері электрондық үкімет пен оның компоненттерін пайдаланушылар үшін де қолжетімді болады.
Басқаша айтқанда, QR қол қою-бұл құжаттарға қол қоюдың қосымша әдісі және пайдаланушылар үшін өте ыңғайлы шешім.
