QazaqGaz Әзірбайжанның мұнай компаниясымен меморандумға қол қойды
QazaqGaz»ҰҚ» АҚ Әзірбайжан Республикасының мемлекеттік ұлттық компаниясы SOCAR-мен өзара түсіністік туралы меморандумға қол қойды, деп хабарлады ұлттық компанияның баспасөз қызметі.
Алматы, NEGE. «Мемлекет басшысы Қасым-Жомарт Тоқаевтың Әзірбайжан Республикасына сапары аясында «QazaqGaz»ҰҚ» АҚ Әзірбайжан Республикасының мемлекеттік ұлттық компаниясы SOCAR-мен өзара түсіністік туралы меморандумға қол қойды», - делінген бейсенбідегі хабарда.
QazaqGaz басқарма басшысы Санжар Жаркешов пен SOCAR президенті Ровшан Наджаф қол қойған құжат екі елдің газ саласындағы басты бағыттарды айқындайды, жекелей алсақ:
- Қазақстандағы газ кен орындарын барлау және игеру;
- Газды терең өңдеу мүмкіндіктерін зерттеу, газ химиясын дамыту;
- Газ тасымалдау қуаттарын модернизациялау;
- Газ саласындағы жаңа жоғары технологиялық жобалар.
Қол қойылған құжат бірлескен жұмысты дамытуға және екіжақты инвестиция көлемін арттыруға негіз болады.
SOCAR – Әзірбайжан Республикасының мемлекеттік компаниясы. Негізгі қызмет түрі Әзірбайжандағы мұнай және газ кен орындарын барлау және игеру, сондай-ақ мұнай мен газды ішкі және сыртқы нарықта сату болып табылады.
