Qazaq Air Астана-Екатеринбург бағыты бойынша әуе рейстерін уақытша тоқтатты

Алматы, NEGE. Компанияның мұндай шешім қабылдауына жолаушылар мен экипаж мүшелерінің қауіпсіздігі себеп болып отыр. 

«Ресейге ұшу тәуекелдерін үнемі бағалау нәтижелерінің негізінде жолаушылар мен экипаж мүшелерінің қауіпсіздігін қамтамасыз ету мақсатында рейстер тоқтатылды. Әуекомпания қазіргі уақытта QAZAQ AIR тәуекелдерін бағалау шарттарына сәйкес келетін Омбы мен Новосібірге рейстерді орындауды жалғастырады. Екатеринбургке әуе рейстерін қайта ашу – тәуекелдерді қайта бағалау қорытындылары бойынша жүзеге асырылатын болады», – делінген хабарламада. 

Тоқтатылған рейстердің әуебилеттерін алған жолаушыларға билет құны толық қайтарылады немесе әуекомпанияның баламалы рейстеріне тегін қайта брондау жасауына мүмкіндік беріледі.