Qarmet энергетикалық қуатын арттырып, жаңа рекорд орнатты

2023 жылдан бастап, компанияның энергетикалық кешенін қалпына келтіру бағдарламасы іске қосылғаннан бері, электр энергиясын өндіру көлемі 30 пайызға артты. Бұл меншікті генерация қуаттарының тиімділігі тұрақты өсіп келе жатқанын көрсетеді.

Қазақстанда жылу энергетикасы инфрақұрылымын жаңғырту және генерация қуаттарының сенімділігін арттыру энергетика саласындағы маңызды бағыттардың бірі болып қала береді. Осы тұрғыда меншікті ЖЭО-ларды дамыту өнеркәсіптік өндіріс пен өңірлік энергетикалық жүйенің тұрақтылығын қамтамасыз етуде маңызды рөл атқарады.

2024 жылдан бастап компания энергетикалық кешенді қалпына келтіру және дамыту бойынша жүйелі бағдарламаны жүзеге асырып келеді. Бұған дейін кәсіпорынның энергетикалық инфрақұрылымында генерация қуаттарының техникалық жай-күйі мен сенімділігін арттыруға қатысты ауқымды міндеттер жинақталған еді. Осыған байланысты Qarmet энергетиктердің жүйелі жұмысын күшейтіп, жабдықтарды қалпына келтіру бағдарламаларын кеңейтті және жаңа жаңғырту жобаларын іске асыра бастады.

Компания өкілдерінің айтуынша, қол жеткізілген нәтижеге энергетикалық бөлімшелердің үйлесімді жұмысы әсер еткен.

«Жүйелі жаңғырту және жабдықтарды жауапкершілікпен пайдалану ЖЭО жұмысының сенімділігін айтарлықтай арттыруға мүмкіндік берді. Бүгінде біз кәсіпорынның өндірістік қажеттіліктері үшін электр энергиясын сапалық тұрғыда жаңа деңгейде тұрақты түрде өндіруді қамтамасыз етіп отырмыз», – деп атап өтті Qarmet энергетиктері.

Маңызды жобалардың бірі – 2025 жылы пайдалануға берілген ЖЭО-2-дегі №7 қазан агрегатының құрылысы. Барлық сынақтан өткеннен кейін агрегат жылыту маусымында Теміртау тұрғындарын жылумен қамтамасыз етеді.

Сонымен қатар ЖЭО-ПВС-та №1 қазан агрегатының құрылысы жалғасып жатыр. Оны іске қосу 2026 жылға жоспарланған. Компания энергетикалық жабдықтарды күрделі және ағымдағы жөндеуден өткізу бағдарламаларын да жүзеге асырып келеді. Бұл жүйелердің сенімділігін арттырып, жоспардан тыс тоқтап қалу қаупін азайтуға мүмкіндік береді.

Бүгінде Qarmet-тің энергетикалық кешені компанияның өндірістік жүйесіндегі негізгі элементтердің бірі саналады және металлургиялық өндірістің тұрақтылығын қамтамасыз етеді. Кәсіпорын 2030 жылға дейін жаңа өндірістік қуаттарды дамыту аясында меншікті генерация көлемін одан әрі арттыруды жоспарлап отыр. Компанияның басты мақсаты — өзін электр энергиясымен толық қамтамасыз ету.

Энергетика бағытын дамыту Qarmet стратегиясының маңызды бөлігі болып қала береді. Бұл өндірістің тұрақтылығын арттыруға және сыртқы энергия ресурстарына тәуелділікті төмендетуге бағытталған.

Қол жеткізілген нәтижелер компания энергетиктерінің жүйелі еңбегінің арқасында мүмкін болды. Олар ЖЭО мен кәсіпорынның энергетикалық инфрақұрылымының тұрақты әрі сенімді жұмысын қамтамасыз етіп отыр.