Путиннің Қазақстанға келетін күні белгілі болды
Путиннің Қазақстанға сапары туралы Ресейдің сыртқы істер министрі Сергей Лавров Қазақстанның Сыртқы істер министрі Мұрат Нұртілеумен кездесуі барысында айтты.
Алматы, NEGE. Лавровтың айтуынша, Ресей Федерациясының президенті Владимир Путин 27 қарашада Қазақстанға мемлекеттік сапармен келеді.
«Біз Ресей Федерациясы Президентінің 27 қарашадағы Қазақстанға мемлекеттік сапарына үлкен дайындық жүргізіп жатырмыз», - деді Лавров.
Путиннің сапарына байланысты ондаған құжат дайындалып жатқаны мәлім болды.
Бұған дейін мемлекет басшысының баспасөз хатшысы Дмитрий Песков Ресей президентінің Қазақстанға сапарына дайындық барысы туралы хабарлаған еді. Путин Қазақстанға соңғы рет шілде айында Шанхай ынтымақтастық ұйымына мүше мемлекеттер басшылары кеңесінің отырысына қатысу үшін келген.