Путиннің баспасөз хатшысы Қазақстандағы саяси реформаларға қатысты пікір білдірді

Алматы, NEGE. Оның айтуынша, Қазақстанда жарияланған саяси реформалар екіжақты қарым-қатынасты бұзбайды.

«Біз екіжақты қарым-қатынасымыздың болашағын және Қазақстанның келешегін тек жарқын болғанын көргіміз келеді. Қазақстан - біздің үлкен серіктесіміз, біздің диалогымыздың, одақтастығымыз бен әріптестігіміздің маңызын бағалау қиын. Әріптестік одан әрі дами береді деп сенеміз, Қазақстанның өзіне сенімді, аяғынан нық тұрған тұрақты ел болғанын қалаймыз», - деді Песков. 

1 қыркүйекте Қазақстан Президенті Қасым-Жомарт Тоқаев халыққа Жолдауында кезектен тыс президент сайлауын күзде өткізуді ұсынған болатын.

Ал, саясаттанушы Дмитрий Фетисов «Известия» басылымына берген сұхбатында Тоқаев өз ұсынысымен Қазақстанның Батыс елдері ойлағаннан әлдеқайда еуропалық екенін көрсетуге тырысатынын айтқан.