Путин Тоқаевты әуежайдан шығарып салды
Қазақстан президенті Қасым-Жомарт Тоқаев пен Ресей президенті Владимир Путин Омбы қаласында Аймақаралық әріптестік форумына қатысты. Форумда талқыланған басты мәселе – екі мемлекеттің шекара аймағындағы байланысын дамыту.
Алматы, NEGE. Қазақстан президентінің баспасөз хатшысы Берік Уәли әлеуметтік желідегі парақшасына былай деп жазды: «Қазақстан мен Ресей өңіраралық ынтымақтастық Форумы іскерлік бағытта өткенімен, кездесулерде достық ниет айқын көрініп тұрды. Қасым-Жомарт Кемелұлы Тоқаев пен Владимир Владимирович Путиннің келіссөздері, Форумның жалпы отырысы сындарлы әрі салиқалы сипатта өтті. Екі елдің көшбасшылары талқыланған барлық мәселелер бойынша бір пікірде болды, ортақ шешімге келді. Ресей Президенті Владимир Путиннің Қазақстан Президенті Қасым-Жомарт Тоқаевқа ерекше құрметі мен ілтипаты оның Омбы әуежайына дейін келіп, әріптесін өзі арнайы шығарып салғанынан анық байқалды».
Ресей президенті В.Путин осы әрекетімен-ақ ел арасындағы «Путин Тоқаевты мойындай қоймайды» дегенге саятын абың-күбің әңгімені жоққа шығарғандай.
Nege.kz