Путин Украинаға қайта тікелей келіссөз жүргізуді ұсынды
Ресей президенті Владимир Путин Украина билігіне 2022 жылғы тікелей келіссөздерді қайта жандандыруды ұсынды, деп хабарлады 24kz.
Алматы, NEGE. Жаңа келіссөздерді жүргізу 15 мамыр күні Ыстамбұлда жоспарланып отыр. Бұл туралы ол Кремльде өткен баспасөз-конференцияда мәлімдеді.
Ресей президентінің айтуына қарағанда, кездесу алдын ала шартсыз өтуі мүмкін. Ол өз сөзінде алдағы келіссөздер барысында жаңа бітімнің жүзеге асатына сенім білдіріп, оның Украина билігіне байланысты екенін атап өтті. Сондай-ақ ресми Мәскеудің, Киевтің батыс одақтастары ұсынған келісімді қабылдауға дайын емес екенін түсіндірді.
Естеріңізге сала кетейік, осыған дейін АҚШ, Германия, Ұлыбритания, Франция, Польша және Украина көшбасшылары 12 мамырдан бастап Ресейді 30 күн атысты тоқтатуға шақырған болатын.
