Путин Қазақстанға сыйға тартылған Амур жолбарыстары туралы айтты
Қазақстанға мемлекеттік сапары қарсаңында «Егемен Қазақстан» газетінде Ресей президенті Владимир Путиннің мақаласы жарияланды.
Астана, NEGE. Мақалада Қазақстан мен Ресей арасындағы экология және биологиялық әралуандықты қорғау саласындағы әріптестік туралы айтылған.
Путиннің сөзінше, Қазақстан тарапы Амур жолбарыстарының популяциясын қалпына келтіруге көмек сұраған. Осыған байланысты Ресейдің тиісті мекемелері кейінгі бір жыл ішінде нақты жұмыс жүргізген.
«Хабаровск өлкесінде екі жолбарыс және оның екі күшігі арнайы ауланды. Жануарлардың жағдайы мұқият тексерілген соң «Аэрофлот» рейсімен Қазақстанға жеткізілді», – деп жазады Путин.
Қазір екі елдің ғалымдары Іле-Балқаш мемлекеттік табиғи резерватында жолбарыстарды жергілікті ортаға бейімдеу үшін бірлесіп жұмыс істеп жатыр.
Путиннің айтуынша, жақын арада жолбарыстар табиғи ортаға жіберіледі.
