Путин қарашаның соңында Қазақстанға келеді
Кремль Ресей президенті Владимир Путиннің Қазақстанға сапарына дайындалып жатыр. Бұл туралы Ресей басшысының баспасөз хатшысы Дмитрий Песков хабарлады.
Алматы, NEGE. Путин Қазақстанға 2024 жылдың қараша айының соңында келуді жоспарлап отыр.
«Сапарға қызу дайындық жүріп жатыр. Нақты қай күні баратынын алдын ала хабарлаймыз», - деді Песков.
Владимир Путин мен Қасым-Жомарт Тоқаев соңғы рет Қазандағы БРИКС саммиті аясында кездескен. Сапар барысында өңірлік қауіпсіздіктің негізгі мәселелері, бірлескен экономикалық жобалар мен өзекті халықаралық мәселелер талқыланбақ.
