Путин 25 жылда АҚШ-тың бес президентімен кездескен. Алтыншы кім?
Владимир Путиннің 2000 жылы қалай Ресей президенті болғаны тарихтан белгілі. 73 жастағы Путин содан бері тақтан түскен жоқ. Соңғы жылдардағы әрекетіне қарағанда, түсетін ойы да жоқ.
Бір қызығы, 25 жылда АҚШ-та бес президент ауысқан. Владимир Путин сол бес президенттің бәрімен кездесті. Назарларыңызға төменде қызықты фоторепортаж ұсынамыз.
Президент болып сайланған 2000 жылы В.Путин АҚШ-тың сол кездегі басшысы Билл Клинтонмен кездескен.
Арада бір жылдан соң, яғни 2001 жылы Джордж Бушпен де шәй ішіп үлгерді.
Он бір жылдан соң – 2012 жылы Барак Обамамен де бірқатар мәселені талқылағаны есте.
Дональд Трамп АҚШ-тың 45-ші президенті болып сайланған 2017 жылы екеуі тәп-тәуір қауқылдасып тұратын.
Путин мен Байден бір-біріне күле қарағанымен, аса тіл табыса қойған жоқ. Бұл 2021 жылы болатын.
Биыл екінші мәрте президент болып сайланған Дональд Трамп – Путин кездескен бесінші президент. Аляскадағы бүгінгі кездесуде кімнің асығы алшысынан түскенін суреттің өзі айтып тұрғандай.
Алтыншы кім?...
